“Moto X”, telefoni që tenton të sfidojë “Apple” e “Samsung”

Ky "smartphone" është hedhur në treg nga kompania që kontrollohet nga Google, "Motorola".

Moto X është "smartphone"-i i ri i hedhur në treg nga kompania që kontrollohet nga Google, Motorola. Bëhet fjalë për një telefon që të paktën në parim duhet të sfidojë dy gjigantët Apple dhe Samsung. Mbi të gjitha, ky telefon mbështetet te fakti që do të kapë imazhe shumë të të pastra e gjithmonë e më reale, si dhe veçanërisht te asistenti zanor "Google Now", që siç deklaroi administratori i deleguar i kompanisë, Dennis Woodside, do të bëjë të mundur që MotoX të shndërrohet në telefonin e parë që "drejtohet vetë". Kjo mund të jetë një nga pikat e forta të këtij telefoni, pasi është shumë më i avancuar se "Siri" i Apple. Dispozitivi, i paralajmëruar për daljen e tij prej muajsh me një fushatë publicitare për të cilën Google ka shpenzuar 500 milionë dollarë, përflitet se mund t'i japë një goditje tregut të telefonëve, duke i rrëmbyer kuota dy liderëve të padiskutuar "Apple" dhe "Samsung". Moto X do të jetë i disponueshëm të paktën deri në fund të gushtit vetëm në SHBA. Çmimet janë 199 dollarë me kontratë për versionin prej 16MB, ndërsa 50 dollarë më shumë për atë me 32 Mb. Ky "telefon inteligjent" mund të shënjojë rikthimin në skenë të Motorolës, që në vitet e fundit ka humbur shkëlqim, të paktën derisa në 2011-n, kollosi i "Mountain View" siguroi sektorin "mobile" të grupit amerikan për 12.5 miliard dollarë. /ikub